2017 жылдың 8 желтоқсан күніҚазақстан Жазушылар Одағы төрағасының бірінші орынбасары, халықаралық "Алаш" әдеби сыйлығының иегері, Президент степендиясының иегері, ақын Ыбыраев Маралтай Райымбекұлымен кездесу өткізілді.

                                           

Алматы облысы Іле ауданы Байсерке ауылы №9 орта мектепте Қазақстан Республикасы Президенті Н.Ә.Назарбаевтың "Болашаққа бағдар: рухани жаңғыру" бағдарламасы аясында 08 желтоқсан 2017 жылы Қазақстан Жазушылар Одағы төрағасының бірінші орынбасары, халықаралық "Алаш" әдеби сыйлығының иегері, Президент степендиясының иегері, ақын Ыбыраев Маралтай Райымбекұлымен кездесу өткізілді. Кездесуге мектеп оқушылары, ұстаздары, ата-аналар және Байсерке ауылдық округі әкімінің орынбасары Асхат Бариұлы қатысты. Кездесу барысында Маралтай ақын өзінің ақындық өмір жолының қызықты тұстарын мектеп оқушыларына баяндап берді. Оқушылардың салмақты сұрақтарына салиқөалы жауап бере отырып, мектептегі ақынжанды шәкірттердің балауса жырларын тыңдап өзіндік бағасын берді. Көрермендің қолпаштауынан арқаланған Маралтай Райымбекұлы өзі де бірнеше тақырыпта жалынды жырларын оқып берді және мектепке естелік ретінде жыр кітабын сыйға тартты. Сөз соңында сөз алған мектеп директоры Нұрмұханбетов Ғабидолла шақыруларын қабыл алып, уақытын бөліп келген Алаш ақынына алғысын білдіре отырып, ескерткіш ретінде сыйлық табыс етті. Әсерлі кездесуден керемет әсер алған мектеп оқушылары кездесу соңында ақынмен бірге естелік суретке түсті.