Жас Ұлан

Мектебімізде 16-желтоқсан Тәуелсіздік күні мерекесіне орай 5 сынып оқушылары "Жас Ұлан" бірыңғай балалар мен жасөспірімдер ұйымы қатарына қабылданды. Еліміздегі орын алған эпидемиологиялық жағдайға байланысты "Жас Ұлан" ұйымының қатарына қабылдау рәсімі онлайн форматта өткізілді.

Жалпы "Жас Ұлан" ұйымына 181 оқушы қабылданды. Ұйым қатарына қабылдау барысында ұйымның міндетті атрибутикалары қолданылды. 

Оқушылар «Жас Ұлан» ұйымына кіре отырып, Қазақстан Республикасының патриоты болуға, мемлекеттік рәміздерді құрметтеуге, дәріптеуге, туған еліміз, жеріміз, Отанымызды мақтаныш етуге, ата-анамызды қадірлеп, үлкенге - құрмет, кішіге ізет көрсетуге, оқуда озат, еңбекте адал болуға, салауатты өмір салтын ұстануға, Тәуелсіз еліміздің білімді, жігерлі, парасатты, отансүйгіш азаматы болуға ант қабылдады.